O día 28 de febreiro, o alumnado do primeiro ciclo de primaria visitamos Ferreira de Pallares. Fixemos o percorrido por un camiño fermoso, pouco transitado e con algo de lama que esquivamos como puidemos e que nos deixou o calzado embarrado.
En Ferreira gozamos da beleza da aldea e da grandeza do seu magnífico mosteiro, A súa torre elegante, o retablo maior de estilo barroco, a capela dos Taboada, as portas: principal, norte e sur, o claustro no que se atopan dous sartegos medievais, ... constitúen un patrimonio que todos debemos valorar e coidar.
Antes de volver ao colexio, probamos a auga das dúas fontes, que sae fresquiña no verán e que se nota máis quente no inverno.
Unha magnífica mañá sen lugar a dúbidas, o bo, as veces, atópase preto de nós.
A continuación, podedes ver algunha das fotografías que se fixeron durante o percorrido:
No hay comentarios:
Publicar un comentario